Fonema (hoxe é o día das letras galegas)

Do máis aló da gorxa,

dun profundo e misterioso fol,

saíannos sons que debiamos matar.

Repitan:

Los pájaros de Guadalajara tienen la garganta llena de trigo.

Pero Lolo o do Rito dicía

que los pajaros de Juadalagara tienen la jarjanta llena de trijo

e o mestre dáballe un pao.

A min custoume algún traballo dicir sen respirar

que había plantas monocotiledóneas

pero non din sabido de que familia era

se é que a tiña

o toxo que douraba os montes de Galicia.

Manuel Rivas